Psa 87 | YomNWM | STEP | Nkunga bana ba Kole. Wutula fondasio andi ku mongo wunlongo.

Psalms 87

Batu boso ku Sioni babutukila

Nkunga bana ba Kole.

1 Wutula fondasio andi ku mongo wunlongo.
2 Yave weti zola mielo mi Sioni
viokila bibuangu bioso bimvuandanga Yakobi.
3 Mambu ma nkembo matubu mu diambu diaku ;
a divula di Nzambi.
4 “Ndiela yolukila Lahabi ayi Babiloni
muidi bobo banzebi ;
tsi yi Filisiti ayi Tila va kimosi ayi Kutsi :
ayi tuba : mutu wawu ku Sioni kabutukila”.
5 Buna mu diambu di Sioni ; bela tuba :
“Mutu wawu ayi mutu wuna, mu niandi babutukila”
ayi Nzambi yizangama, niandi wela kumbieka.
6 Yave wela sonika batu mu buku :
“mutu wawu ku Sioni kabutukila.”
7 Bu balembo budi miziki, bela yimbila :
“zitho ziama zioso zidi mu ngeyo.”